Diplomatarium Norvegicum/1/177
- Arnbjörn Eilifssön og Anund Imba skjöde Hr. Erling Vidkunssön Stofrheim i Stofrheims Sogn i Fjordene. Kjöbesummen skal han ifölge Fru Thorbjorgs Testamente udbetale Barfodbrödrene i Bergen. (jfr. No. 176. 181. 208.)
- Efter Orig. p. Perg. i norske Rigsarkiv. Det 1ste Segl er i Behold.
Allum monnum Þæim sæm þettæ bref sea eda hœyra Senda Arnfinnr Elifs son, ok Anunðr jmba Q. G. ok sina. Vit gerom yðr kunnict, at vit selldum med ia ok handsale herra Erllingi Vikunnar syni drozseta okkars vyrdulegs herra Magnusar Noregs Swyia ok Gota konongs, æit manadamatabol ok tuttugu j Stofræimi er liggr j Stofræimskirkiu sokn j Fiordum med allum lunnynðum fornnom ok nyium firir þriatigi marka brenðra ok fim merkr brendar vegnar, er herra Erllingr skal luka Berfœta brœdrom j Biargwin j testamentum fru Þorbiargar. Er ok þæssor jorð j nokorom lutum æigi leigufœr þa skal sua mykit metazst ok faazst herra Erllingi sæm þui gegnir in j iord okkra fyrnefnða þa sæm oselld ok frials er. Skal herra Erllingr alla firirsagða iorð æfuenlega eigha ok frialslega firir raða ok hans erfuingiar. Ok till sanz vitnisburdar settom vit okkor insigli firir þetta bref er gort var j Biargwin manadaghen nesta eftir Michialsmæsso a setta are rikis okkars fyrnemfz herra Magnusar konongs.
Bagpaa med en senere Haand: breff vm Stoffreim i Fiordom.
|
Denne teksten er offentlig eiendom fordi forfatteren døde for over 70 år siden. |