Denne siden er godkjent
Her er mi Sol og mi Luft; her
renn mine Bekkjer. Og uppe i denne
store Himmelen budde min Gud. Stundom
kjennest det som han maa bu
der enno. Og i Kyrkja bur han. Det
veit eg, naar eg ikkje serskilt hugsar
meg um.
Men inn i Kyrkja vaagar eg meg ikkje. Eg veit, at kom eg der inn, so kvarv han burt for meg.
Heilag er den stille Bygd; alle Vegar fører til Kyrkja.
Og Live samlar seg der og vert vigt; og Helg og Høgtid legg seg ut yvi Land og Leid fraa det kvite Altar med Stakarne og det heilage Staupe.
Og Klokkune signar og syng, og paa Jordi er Fred, og Soning for Sorg og Synder.
