Side:Historisk Tidsskrift (Norway), femte række, første bind (1912).djvu/160

156

OLUF KOLSRUD

(Bekhennen beide ſamentlich vnd vnuerſchiedenlich mit dem offen Brieff)], <bekennen offentlich mit dieſem brieff von `wegen´ vnſer vnd (vnſerer) der hochgebornen furſtin vnſerer fr<sup>n</sup> lieben gemahel fruwen> Alß vff abſterben weylandt deß Erwirdigen jn Gott Vatters <vnſers beſonnder lieben freundts> hern Olanus (sic) Erzbischoffen zu Druntheim `ſeligen´ alle ſeine verlaßne hab vnd guetter der Koniglichen Khaiserlichen Maiestet vnſerm aller genedigſtem Hern, vermög vnd jnnhalt jrer Maiestet Niederlendiſchen priuilegien vnd Freihaitten, haymgefallen Auch zu jrer Maiestet gewalt vnd handen angenommen worden, Aber nachuolgendt vff vilgehabte vndterhandlung vnd gegen nachlaſſung einer Nemblichen vnd anſehenlichen Summa gelts vnd bezalung ettlicher gewiſer vnd probirter ſchulden dauon wegen durch ettliche perſonen vff ſolche guetter zu deuenter ein Arreſt vffgelegt vnd ſonnderlich auch in erwegung daß dieſelben guetter Niemandt billieher dann (vnns) <gemelter vnſerer frⁿ liebenn gemahel> `erblich´ zugestandeⁿ vnns dieſelben genediglich volgen vnd zueſten zelaſſen bewilligt, vnd alß bald an die Erſamen vnſer lieb beſondern Burgermaiſter vnd Rath gemelter Statt Deuentor, vmb zuſtellung ſolch guetter gehaiſchbrieff vnd Mandament auſgen laſſen vnnd wiewol wir ſolche guetter bcj den(n) <gedachten> zu Deuenter zu vilmaln erfordert, Auch ein Summa gelts, vngeuerlich den ſchulden gemeß, zu Anttorff erlegt vnd in der Statt deuenter verpurgen laſſen So haben ſich doch die von deuenter deſſelben zu mergklichem vnſerm vncoſten vnd ſchaden biß<hero> vnbillich geſpertt vnd widerſetzt, vnd vnns verurſacht derhalben bej der Durchleuchtigiſten furſtin vnd frauen, frauen Marien, zu vngern vnd Beham Khonigin wittiken Erzhorzogin zu Oſterreich, der Koniglichen Khaiserlichen Maiestet Burgundiſchen Niderlandt