Side:Norges gamle Love indtil 1387 Bd. 1 184.jpg

184

Ældre

VI. Her hefr upp oc seger í frá söctali oc hvesso því scal scipta.

1   Her hefr upp oc segir í frá því er flestum er myrkt oc þyrftu þó marger at vita. fyrer því at vandræði vaxa manna á millum. en þeir þverra er bæði höfðu til vit oc góðan vilia. hvesso scipta scylldi ákveðnum bótum ef þar^[1] ero dömdar. fyrer því at þat er nú meiri siðr at ánemna bötr hvesso margar mercr gulls uppi sculu vera epter þann er af var tecinn. oc vclldr þat at marger vito eigi hvat laga bót er. en þó at vissi. þá vilia nú fáer því una. En Frostoþings bóc scipter lagabót hveriom epter sínum burð oc metorði en ecki hinum bótum er þeir ofsa eða vansa er í dómum sitia oc sáttmál gera.

Um .vj. mercr gulls.

2   En nú segir her fyrst í frá því ef .vj. mercr gullz ero dömdar hvat þá scal hverr af baugum eða bót taca eða reiða. Vegandi eða veganda sunr scal reiða alla bauga. nema hann have vísendr til. en þess er spurt hvárer svá heita oc her segir. ef lifer faðer veganda^[2] syner^[3] eða bróðer. föðor bróðer eða bróðor sunr. bröðra syner eða efter bröðra syner. þá heita þeir vísendr aller. en fyrer því ero þeir svá callaðer. at hvárr þeirra er víss til at böta þeirri bót er þeir standa í. oc þarf eigi vegandi eða sunr hans böta fyrir þessa menn ef þeir ero til. en þeir sculo böta fyrer alla bauga menn er eigi ero tit at böta með þeim. nema hiner hafe svá mælt er i dóme sáto oc þessa sætt gerðo. at þar scylldi bót niðr falla. sem viðrtöco manna miste. þá fellr slíct niðr fyrir hvern þeirra sem telz. at þeir scylldu upp taca ef þeir være til.

Enn um .vj. mercr gullz.

3   Vegandi eða veganda sunr scal böta syne hins dauða af .vj. mörcom gullz i höfuðbaug .v. mercr vegnar. Faðer veganda scal böta feðr hins dauða annat slíct. bróðer veganda scal böta bróðor hins dauða .ij. aurum minna en .iiij.^[4] mercr vegnar. Föðorbróðer veganda oc bróðorsyner sculo böta föðorbröðrum oc bróðorsunum hins dauða .xx. aura vegna. En bröðrasyner oc epterbröðrasuno vegandans sculo böta bröðrasunum oc epterbröðrasunu hins dauða ertog oc .xiij. aura vegna. en þat er fimdeillt fé. oc svá er þat fimdeillt er^[5] bröðrasyner sculo böta .iij. lutum. en epterbröðrasunu tveim lutum oc svá taca.

Mær ein er baugrýgr er callaðr.

4   Nú er mær ein er baugrýgr er callaðr. hon scal bæði baugum böta oc svá taca ef hon er einberni^[6] oc til arfs komin þar til er hon setzc á brúðstól. þá castar hon

---

Jvfr. hele VI^te Deel G. 218-252. 316-319.

---

1. Maaske rettere þær.
2. veganda — mgl. b. f.
3. sunr — e.
4. .iij. — b. f.
5. at — c. d. e.
6. ein barni — b. f.