Side:Norges gamle Love indtil 1387 Bd. 1 198.jpg

198

Ældre

xxj. Jamna scal costnaðar tölo meðal bóanda oc fararmanna.
xxij. Hversu scip er fört.
xxiij. Ef menn verða matþrota oc hvat höggva scal.
xxiiij. Um matgerðarmenn.
xxv. Ef maðr heriar í land.
xxvj. Um lög til höfuðkirkiu oc leiðangrs scips^[1] eða hvar reisa scal.
xxvij. Um farbann landa á millum.^[2]

1   Konungr scal ráða boði oc banni oc ráða at lögum. en^[3] ef scip fellsc í fylki. þá liggia mercr .iij. við hömlu hveria. Nú scal leiðangrs scip^[4] gera oc til fá. þá liggia .vj. aurar við tré hvert er fellz. eða öll gerð fellz. Nú scal saum^[5] fá til scips. en ef einn nagli fellz í gerð. þá gialldi sá eyri er fá scylldi. oc eyrir liggr við nagla hvern er scortir til þess er kemr i .vj. nagla. þá sculu .vj. aurar uppi. oc fá þó saum ýrinn til. En eigi sculo meiri saumgiölld í gerð en .vj. aurar vegnir þó at einn maðr eða öll gerð fallez. Bræða scal scip þegar gört er.^[6] En ef eitt tiöru spann scortir þá liggia þar^[7] við .vj. aurar. oc svá þó at öll gerð fallez eða einn maðr láti falla. þá gialldi hann .vj. aura. en þá scal giallda .iij.^[8] aura þó at öll gerð fallez. oc svá þó at einn maðr láte fallaz.

Smíðar caup.

2   En ef böndr láta gera scip oc kaupa þeir við smiða oc leggia þeir stefnu á nær^[9] verð scal reiða. þá er at þeirri stefnu er comit er reiða scal. þá sculo þeir giallda er eptir sitia í^[10] þeirri scipsýslo. En ef einnhverr ferr á braut. þá scal hann ecki gera aptr á bak ser. En hinn er í kemr scipsyslo þá fyrir þá stefno. þá scal sá giallda er kemr. svá hit sama ef böndr sculo scip caupa. þá scal svá fara sem nú var upp sagt ef gera scal. En ef einnhverr vill eigi giallda at þeirri stemnu er mællt er. þá sculo böndr fara at honum. þeir er ero í þeirri scipsýslo oc ármaðr konungs oc taca af honum slíct scipsverð sem hann scylldi reiða oc annat slíct á ofan. þat sculo böndr hafa er auc er. en ármaðr sect ef við liggr. ef hann vill til fara. En ef hann ferr eigi til þá hafi hann ecki af. en böndr fare til at orseckiu. En þegar er böndr taca til scipsgerðar oc hefz upp scipgerð.^[11] þá sculo þeir ráða er gera vilia en hinir gialldi sectena er eigi vilia gera.

Um naustgerð.

3   Nú scal naust gera. ef eitt tré fellz.^[12] þá liggia .iij. aurar við. enda liggia svá við þó at öll gerð falliz. En ef maðr brýtr naust er gört er yfir leiðangrs scipi.

---

Jvfr. Cap. 1. G. 295. Cap. 2. G. 306. Cap. 3. 4. 5. G. 307. 308.

---

1. scip — e.
2. Denne Titel anföres i b. c. d. e. som Overskr. til förste Capitel.
3. oc — b. f.
4. scip — mgl. b. f.
5. til — tilf. c. d. e.
6. er — mgl. f.
7. þar — mgl. c. d. e.
8. .vj. — e. vistnok rigtigere.
9. hvenær — c. d. e.
10. á — b. f.
11. scipgarð — f.
12. fellr — b. d. f.