| 200 | Ældre |
syniar geraz. þá geri hon þó mann til þings at sveria manntals eið fyrir hiún sín.[1] En ef leyndar nef finnaz í húsi hans síðan. þá liggr honum slíct við sem hann hafi siálfr svarit. Ev ef eigi kemr búandi til þings at sveria manntals eið oc engi maðr af hans hendi. þá sculo böndr scora[2] gerðir á hendr honum svá margra manna sem þeir vilia. oc halldi hann upp gerð þeirra manna þá .xij. mánaði næsta[3] eptir. Sex aurar liggia búanda við ef hann kemr eigi til manntals þings nauðsynia laust. oc svá við hvert þing[4] þeirra er til leiðangrs útförslo scal hafa. oc til þess hann er á braut búinn. Þau þingvíti ero öll silfrmetin. En ef lendr maðr eða ármaðr kemr eigi til manntals þings oc engi maðr af þeirra hendi at sveria manntals eið. þá scal scora á hendr þeim svá margra manna gerðir sem böndr vilia. oc halldi þeir upp gerdum þeim þá .xij. mánaði hiua[5] næsto eptir. Nú hafa menn gerðir settar oc deyr maðr ur gerð. þá scal eigi gera leiðangr fyrir hann. En ef matr er í kirstu[6] eða miöl í belg. þá scal öll reiða fylgia. En ef maðr nemsc leiðangrs gerð eða leiðangrs[7] ferð. þá hafe ármaðr sótt þat fyrr en scip kome á lunn. en[8] ef þeir hafa verit úti leiðangrs vist fulla. eða fyrirfarit sócn sinni. En ármaðr scal sökia þat mál á þingi at hann hafi leiðangr görvan oc eigi fyrirnomiz. þá er hann varðr því máli. En ef ármaðr eða gialldkeri kennir þat manni at hann hafi leiðangr eigi einn görvan[9] á bac ser. þá scal gillda [10] einseiði fyrir. en ef sá eiðr fellz gialldi slíct sem lög ero.
9 Maðr scal hverr gera leiðangr sem hann er staddr þá nott er manntal er um morgunin eptir oc heimili hans er. oc þar út fara ef hann er nemndr. en ef hann gerer eigi svá. eða ferr eigi sem hann er nemndr. þá er sem hann hafi úgört eða úfaret. þó at fare[12] í öðrum stað. gilldi hvártveggia slíct sem við liggr.
10 Fyrir sinn úmaga scal hverr gera leiðangr þar sem hann er siálfr staddr. en ef hann lætr fallaz þá varðar honum siálfum þat en ecki búendum. En fyrir hvern mann er maðr húsar oc heimar. friálsan mann oc fulltíða. þá varði þeir siálfer gerðum sínum en eigi böndr. en þó scal búandi hver augliós nef hafa af[13] bryggiu sporði á skoru kefli fyrir ármann. En fyrir man sitt scal hverr þar gera leiðangr sem hann gerir fyrir siálfan sic.
- Jvfr. Cap. 9. G. 301. Cap. 10. 11. G. 298.
