Side:Norges gamle Love indtil 1387 Bd. 1 206.jpg

206

Ældre

arf sem áðr. En ef bróðordóttir er ein en föðorsystr fleiri. þá tecr bróðordóttir hálfan arf sem áðr við þær. En ef hvárki er til föðorsystir ne bróðordóttir. þá tecr eigi móðir at fiórðu erfð.

Um .v. erfð.

6   (vj.) Nú er .v. erfð. er tecr bróðir sammöðra oc bröðrasynir hvártveggia. En ef eigi er bróðir sammöðra til. þá eigu bröðra synir þann arf allan at taca. En ef eigi ero bröðra synir til. þá [á bróðir^[1] sammöðra þann arf allan at taca. En ef bröðr sammöðra ero eigi til ne bröðra synir. þá sculo systr sammöðra oc bröðra dötr þann arf taca oc scipta svá sem þeir sculu scipta ef þeír væri til.

Um .vj. erfð.

7   (vij.) Nú er .vj. erfð ef móðir verðr magar arfe scilgetin oc föðorsystir^[2] scilgetin.

Um .vij. erfð.^[3]

8   (viij.) Nú er erfð hin .vij. er hrísungr oc sunr þýborínn oc hornungr tecr ef honum er gefit frelsi. þeir eigu aller einn arf at taca oc verðr hverr þeirra annars arfi. En ef eigi lifir fyrir siaundu erfð í bauggilldi nema bróðir scilgetinn oc fellr hann í frá. taci þá fyrr bróðir hans frillusunr í .vj. erfð ef hann andaz barnlaus helldr en í .viij. erfð gangi. en ef engi er þeirra til. þá tecr horna oc rísa oc dóttir þýborin. þær eigu allar einn arf at taca oc verðr hverr þeirra annarrar arfe.

Um hina .viij. erfð.

9   (ix.) Nú er .viij. erfð er taca eptir bröðra sunu oc .iij.^[4] manne frændsemi þeirra á hvárratveggia hálfu. en ef þeirra missir. þá sculo taca conor þær er eptir ero bröðra dötr.

Um .ix. erfð.

10   (x.) Nú er .ix. erfð er tecr móðor faðir oc dóttor sunr. þeir eigu báðir einn arf at taca oc verðr hvárrtveggi annars arfe. en ef þeirra missir. þá tecr móðormóðir oc dóttordóttir hvártveggia þeirra eptir aðra ef annarrar missir við.

.x. erfð.

11   (xj.) Nú er .x. erfð er tecr móðorbróðir oc systursunr. þeir eigu báðir einn arf at taca oc verðr hvárrtveggi annars arfe. En ef þeirra missir. þá tecr móðorsystir oc systurdóttir. þær eigu báðar einn arf at taca oc verðr hvártveggia annarrar^[5] arfe.

Um elliftu erfð.

12   (xij.) Nú er .xj. erfð er taca þeir menn er ero .ij. systkina synir karls oc cono þeir eigu báðir einn arf at taca. oc verðr hvárrtveggi annars arfe. en ef þeirra

---

Jvfr. Cap. 8—14. Hk. 61—67. (næsten ligelydende).

---

1. [eigu bröðr — c. d. e. [e. bröðra synir — f.
2. feðrsystir — b.
3. Overskr. mgl. c. d. f.
4. .iiij. — c. e.
5. annarra — b. f.