Side:Norges gamle Love indtil 1387 Bd. 1 402.jpg

402

Ældre

Vm ældz abyrgd i kirkiu.^[1]

29   Præstr huar er at kirkiu sitr skal þen ælð abyrgiæst. er han heuer vid æmbætte sit. þa er han syngir monnum tidir. ok giælde .iij. mærkr .ix. allna öyris. En ef han ber til annars æld i kirkiu. ok brænnr hon vp af þui. þa skal han vp lata gera kirkiu. ok vigiæ. ok albua sem hon var adr. En ef han vil æi rökt a læggiæ.^[2] eda heuer æi kost a.^[3] þa skulu böndr fe hans alt haua sua mykit sem þarf til kirkiu vp gerdr.^[4] En ef præste vinz æi fe til. þa skulu böndr sit fe til læggiæ. at kirkiæ se^[5] buin. En præstr sa skal fara fra kirkiu. ok kome sua aptr at han hæilli^[6] bondom skada sin.^[7] En ef kirkiæ brænnr af annærs manz ældi. þa skal sa [lata vp gera. ok^[8] albua af sinum kostnade. eda fare vtlæghr. [ok kome æi aptr fyr en han heuer hæilat bondom skada sin^[9]

Ef men bæriæst i kirkiu garde.^[10]

30   En ef madr aflar manne blodz eda bens. af^[11] hæmtughri hende. ok kömr blod a kirkiu eda kirkiu gard. þa skal lata þa^[12] kirkiu vigiæ. ok haue sit fe vid vid^[13] biscup. En ef han afrökes. eda hefuer æi fe til. þa fare^[14] vtlæghr. oc kome sua aptr at han^[15] böte bondom skada sin. En ef madr aflar manne blodz. at oviliæ sinurn i kirkiu eda kirkiu garde þa^[16] tælghi af spon. ok kaste or kirkiu garde þer kömr æi vigxlæ til kasta skal a vighdu vatne. en ef a iord kömr þa skal vp grafua iord. ok bera or kirkiu garde. ok kasta i staden vighdu vatne.

Vm kirkiu gard.

31   Gardr skal vera vm kirkiu huariæ. Biscups armadr skal þing stæmpna a vars dæghi þegar þele er or iardu. at huar gere siu luta. gisdæn^[17] sua at æi briote nidr rægn ne rot. liggiæ .vi. aurar vid lid huart. en .xij. aurar vid halfuan. en.iij.mærkr vid allan. Biscups armadr skal fimt gera bondom at vp se gor [kirkiu gardr.^[18] ef þa er æi gor. sæckir .vi. aurum uid biscup.^[19]

Vm högendes kirkiur.^[20]

32   En ef högendes kirkiæ at falle verdr. eda brænnær vp. þa skaj föræ timber a tuft a .xij. manadom. ok gor^[21] a addrum. ok vigd a þridlæ. En ef æi er timbr a tuft a^[22] .xij. manadam þa skaj a addrum^[23] föræ timbr a tuft ok vpgera. [En ef æi er sua gort þa skaj a þridi .xij. manadom. vera vp gor kirkiæ. ok vigd.^[24] en ef

---

Jvfr. Cap. 29. I. 35. Cap. 30. I. 37. Cap. 31. I. 38. Cap. 32. I. 39.

---

1. i k. — mgl. D.
2. vit æi vp lata gera. — D.
3. til — D.
4. gerdær. — D.
5. verde — D.
6. haue hæilat — D.
7. fe sit. — D.
8. [ mgl. D.
9. [ til þes er han heuir kost til at gera kirkiu vp. — D.
10. Vm blod i kirkiu — Overskr. D.
11. bena i kirkiu. eda kirkiu garde — D.
12. skal sa lata — D.
13. Saaledes baade i C. og D.
14. han — mgl. D.
15. han — mgl. D.
16. þa — mgl. D.
17. föran — D.
18. [ mgl D.
19. En æi er gor at fimt sæckir. sem fyr sægir. — D.
20. kirkiu. — D.
21. gera — D.
22. at — D.
23. tolf munadom — tilf. D.
24. [ en ef er þa vp gort. þa skal a þridiu vpgera ok vighæ. — D.