Side:Norges gamle Love indtil 1387 Bd. 2 474.jpg

edr [almenniligri naudsyn^[1]. Sva iatadi han ok at sealflofat se erchibyskupi at hafa einn mann til sylfrslattar eptir þvi sem bref hans þar um gert vattar.

Þa^[2] var ok samit^[3] um tiundar gerd^[4] um allan Noreg. utan um Hamars byskups dömi. Raumariki ok Soleyiar. at menn skolu gera^[5] tiund oskerda æuinliga^[6] af garda leigum. ok aolgögnum. mylnum [ok skogar leigum^[7]. braudofnum^[8] ok badstofum. salltkötlum^[9]. netum ok nótum. sva at sá er [greidir þessa luti. edr saa sem byggir^[10]. greidi tiund oskerda af leigunum^[11]. en hinn er leigir frammleidis ser til afla taki fyrst af allt þat er hann leidir^[12] til ok^[13] kostar ok tiundi sidan [afla sinn^[14]. Enn af skipa leigum geriz^[15] med þeim hætti. at sidan skipit er fullgert^[16]. segl ok reidi til fingin. [þa geriz i fyrstu^[17] tiund af. ij. lutum leigunnar [þegar i fyrstu ferd^[18] ok iafnan sidan. [enn þridiunghr^[19] leggiz til umbota skipi ok reida. Af buleigum^[20] ollum geriz tiund. v. peningar vegnir^[21] af kuleigu^[22] huerri [ok^[23] hueriu malnytu kyrlagi^[24]. sva at sa sem tekr kyrleiguna^[25] greidi^[26] af þessa .v. peninga þar i sokn sem bygt er elligar hans umbods madr. Enn ef huargi er þar^[27] til greidi saa er leigdi ok falli sva mikit nidr i^[28] leigunni fyrir þeim er aa. Enn ostr standi fyrir uidreldi sem adr af þerri miolk allri sem uerdr freadaginn^[29] fyrir Jons messo. Enn af þui bui sem menn hafa ser til nytia sva at þeir byggia æigi. [greidi ost^[30] af eins dags miolk [allri fyrir tiund ok leigu af miolk^[31]. Sva skal ok greidaz^[32] ullar tiund af aollum þeim saudum sem fædaz i eyium^[33] ut^[34] ok af alldini aollu storu ok smá skal tiund göraz. [Þessar tiundir skulu ok geraz^[35] sem i uanda hefir^[36] uerit ok her fylgia. af sádi ollu. rug ok hueiti. lini ok hampi. næpum ok ertrum ok skreidar tiund. af selum ok [huölum tiund^[37]. af hakarla^[38] lysi. ok allzkonar fiska

1. [alm. kristni – D. [almughanom – F.
2. Eptir þui – C. E–G.
3. samþykt – E. F. samt oc stat – G.
4. gerdir – E. F.
5. þessa – tilf. C–G.
6. openbarligha – E.
7. [mgl. E.
8. baxterofnum – F.
9. mgl.E.
10. [byggir þessa luti – C–F. [þessa liti(!) – G.
11. leigum – C. E. G. leigumonnum – D. leighunni F.
12. leggr – C–G.
13. ok – mgl. D.
14. af afla sinum – C–G.
15. greidiz – C. D.
16. ok – tilf. fl.
17. [i fyrstu geriz – C. D. F. G. [i fyrstu ferd gerist – E.
18. mgl. E.
19. hinn þridi – C.
20. huseigum – G.
21. þar i sokn sem bygt er – tilf. D.
22. leiguku – C–G.
23. af – tilf. D.
24. mgl. E.
25. leiguna – C–F. leigunnar – G.
26. geri – D.
27. þeirra – E. G.
28. af – C. D. E.
29. næsta – tilf. C. D. F.
30. greidiz oster – F.
31. [ok leigu. en sa scal vera friadagrinn næstr firir Olaafs messo dag fyrra – C. [allri fyrir tiund af miolk ok leigu. en sa skal vera friadagr nöstr fyrir Olafs messo dag hin fyrra. en af annars dags miolk allri þeirri er verdr friadaginn fyrir Jons messo. greidiz ostr af vider eldi – D. [allri f. tiund af miölk og leighu. en sa scall vera friadaghin nestr fire Jons messo gerist oster af viderelde – E. [allri f. t. af m. oc l. en sa sk. vera fr. nęsta f. Olafs vauku hina fyrri. en af annars daghs miolk alrę þeirri vęrder friadaghen n. f. J. m. greidist ostr firir vidreldi – F. [allre f. t. af m. oc leigu. en sa sk. vera fr. n. f. Olafs messo fyrre. End annars dags miolk allre þeirri er verdr a fr. firir Jons messo dag. gr. ostr firir vidreldi – G.
32. geraz – C. E. F.
33. engium – G.
34. uti – C–G.
35. Tilföiet efter C. [mgl. A. B. greidaz – D. F. gerast oc greidast – E.
36. hafa – fl.
37. [hualtiund – C. D. F. G.
38. hakerlinga – C. G. haskerdinga – D. hakellinghar – F.